Agencja Imprez Regionalnych "Cila"
Nowość! Humoreski śląskie Jerzego Komora - "Jorgusiowy Szpas" - wreszcie wydane!
Pyrsk Ślązoki i Gorole roztomiłe na Ślasku pomiyszkujący!
Życie jake nom we Polsce nr.4 wyrychtuwali ci z lewa i ci z prawa jest jednom srogom beckom śmiychu. Niy wiym cy jakiś kabaret bydzie poradzioł śmiyszni do realiow sie łodniyść. My to jednak probujymy robić. Może nom sie to udać ino przi Waszym serdecznym, a wielce niypoważnym rozumiyniu naszy pokracny rzecywistości i życzliwym sparciu. Bawiymy Wos juz od dziesięciu lot na antynie radiowy i na estradach przi różnych biesiadach, festynach, karczmach piwnych, Babskich Combrach, itp. Idzie nom to doś dobrze. Ludzi rozweselomy na tyn wesoły dziyń powszedni. Teroz - jak widzicie – założyli my blat we internecie, bo trza iś ze postępym. Prezyntujymy pora fotografiow ze rożnych naszych imprez coby Wom pokozać aby trocha klimat jaki wytworzomy.
Niy uznowomy akadymicki formy pyskuwanio ino eks katedra, ale chcymy wszystkich, wtorzi som na imprezie, wciągnąć do spolny zabawy. Proponujymy rożne spolne zabawy i konkurse ze wesołymi i śmiysznymi gyfilami. Jak juz dziecka śpiom, to tyz momy trocha posolone szpasy, ale zawsze w granicach śląski przizwoitości, wtoro nom sie jesce niy zatarła. Jako Ślązoki znomy nasze i Wasze dusze łod podszewki. Wiymy cego nom i Wom trzeba coby sie pocuć jak u siebie w doma. Kochomy muzyka i śląske śpiywki. Do kompanije som z nami mit muzykanty śląskigo chowu, wtorych znocie ze jejich szlagerow.
Jak chcecie zapomnieć ło bolokach dnia codziynnego, to na te bolące miejsca prziłożcie sie nasz Kabaret. Jak nos zawrzom, to mit z Wami. Wiymy we przeszłości było juz źle i gorzi, ale śmiysznie jest dopiyro teroz. Bez śmiychu tego niy przyńdymy. Śmiych we osobowości Ślązoka jest nojwyższom wartościom i kulturowom, i genetycznom. Inksze nacyje nom tego zowiscom. Niy domy sie go wydrzić! Jesce tak niy było coby jakoś niy było. Dlo realizacji tych naszych planow zrychtuwali my szpecjalno Agyncjo Imprez Regionalnych "Cila". Bez ta agyncjo chcymy organizuwać imprezy lubiane bez Wos i tym sposobym kreuwać życie kulturalne i towarziske na Śląsku. Nic co śląske, niy jest nom obce!!!